ഗര്‍ഭസ്ഥശിശുവിനെ ബോധപൂര്‍വം കുരുതികൊടുക്കുന്ന ക്രൂരതയ്ക്ക് ഇന്ത്യയിലെ ഉന്നതനീതിന്യായപീഠം അംഗീകാരം നല്‍കിയോ? 2022 സെപ്റ്റംബര്‍ 29 ലെ സുപ്രീംകോടതിയുടെ അതിദാരുണമായ വിധി
പ്രഖ്യാപനം ആ ദിശയിലേക്കാണു വിരല്‍ചൂïുന്നത്. കോടതി
മുമ്പാകെ വരുന്ന കേസിന്റെ പശ്ചാത്തലത്തിലുള്ള വിധിവാക്യങ്ങളാണെങ്കിലും പൊതുസമൂഹത്തില്‍ ഇതു സൃഷ്ടിക്കുന്ന ആശങ്കകളും വ്യാഖ്യാനങ്ങളും മനുഷ്യജീവനെ നശിപ്പിക്കാനുള്ള കോടതിയംഗീകാരമായി മാത്രമേ കാണാനാവൂ. 
സുപ്രീംകോടതിവിധി ഉയര്‍ത്തുന്ന ചോദ്യങ്ങള്‍ നിരവധിയാണ്. ഗര്‍ഭസ്ഥശിശു സ്ത്രീയുടെ ശരീരത്തിന്റെ ഭാഗമാണെന്നും അതു മുറിച്ചുമാറ്റണോ നശിപ്പിക്കണോ തുടരണോ എന്നു തീരുമാനിക്കുന്നത് ആ ശരീരത്തിന്റെ ഉടമസ്ഥയാണെന്നും വാദിച്ച് ഗര്‍ഭച്ഛിദ്രത്തെ ന്യായീകരിക്കാന്‍ പുരോഗമനവാദികള്‍ രംഗത്തുവന്നിട്ടുï്. സ്ത്രീസംരക്ഷണത്തിനായുള്ള ചരിത്രവിധിയെന്നും ഇക്കൂട്ടര്‍ വിളിച്ചുകൂവുന്നു. 
ഒരു മനുഷ്യസ്ത്രീയുടെ ഗര്‍ഭപാത്രത്തില്‍ പരാശ്രയത്വത്തിലും നിസ്സഹായാവസ്ഥയിലും കഴിയുന്ന ജീവന്റെ തുടിപ്പിനെ നിഷ്‌കരുണം കൊലചെയ്യാന്‍ നിയമംതന്നെ കൂട്ടുനില്‍ക്കുന്ന ക്രൂരത മനഃസാക്ഷിയുള്ളവര്‍ക്ക് അംഗീകരിക്കാനാവുമോ? ചില വിദേശരാജ്യങ്ങളുടെ ചുവടുപിടിച്ച് ഗര്‍ഭച്ഛിദ്രത്തിന് ഉന്നതനീതിപീഠം പച്ചപ്പരവതാനി വിരിക്കുന്നത് മാനിഷാദ വിളിച്ചുപറഞ്ഞ മഹര്‍ഷിമാരുടെ നാട്ടിലാണെന്നോര്‍ക്കണം. 
സുപ്രീംകോടതിവിധിയെന്ത്?
ഗര്‍ഭച്ഛിദ്രം സ്ത്രീയുടെ മാത്രം അവകാശമാണെന്നാണ് സുപ്രീംകോടതിയുടെ കïെത്തല്‍. വിവാഹിതരായ സ്ത്രീകള്‍ക്കുമാത്രമല്ല അവിവാഹിതര്‍ക്കും സുരക്ഷിതവും നിയമപരവുമായ ഗര്‍ഭച്ഛിദ്രത്തിന് അര്‍ഹതയുïെന്നും വിവാഹിത, അവിവാഹിത എന്ന വേര്‍തിരിവ് ഭരണഘടനാവിരുദ്ധമാണെന്നും കോടതി ചൂïിക്കാട്ടുന്നു. ബലമായും പീഡിപ്പിച്ചും നടത്തുന്ന ലൈംഗികവേഴ്ചയെ ലൈംഗികപീഡനമായി കണക്കാക്കും. നിയമപരമായി ഗര്‍ഭച്ഛിദ്രത്തിന് സ്ത്രീക്ക് കോടതിയെ സമീപിക്കാന്‍ കുടുംബത്തിന്റെ അനുമതിയാവശ്യമില്ല. പ്രായപൂര്‍ത്തിയാകാത്ത ആളോ, മാനസികവെല്ലുവിളികള്‍ നേരിടുന്നയാളോ അല്ലെങ്കില്‍ ഗര്‍ഭച്ഛിദ്രം സ്ത്രീ
യുടെ മാത്രം തീരുമാനമായിരിക്കും. അവിവാഹിതയാണെങ്കിലും പരസ്പരസമ്മതത്തോടെയുള്ള ബന്ധത്തില്‍ ഗര്‍ഭിണിയായെങ്കില്‍പ്പോലും 
സ്ത്രീക്ക് ഗര്‍ഭച്ഛിദ്രം അനുവദനീയമാണെന്ന 
സുപ്രീംകോടതിവിധി മനുഷ്യജീവനു പുല്ലുവില കല്പിക്കുന്ന കിരാതത്വത്തിലേക്കു നാടിനെ നയിക്കാനുള്ള സാധ്യതകള്‍ തുറന്നിടുന്നു. 
മെഡിക്കല്‍ ടെര്‍മിനേഷന്‍ ഓഫ് പ്രഗ്നന്‍സി (എംടിപി) നിയമത്തിന്റെ ഒട്ടേറെ നിയമപഴുതുകള്‍ സുപ്രീംകോടതിയുടെ വിധിന്യായനിരീക്ഷണങ്ങളിലുï്. ചുരുക്കിപ്പറഞ്ഞാല്‍, ഗര്‍ഭിണിക്ക് എപ്പോള്‍ വേണമെങ്കിലും ഗര്‍ഭം അലസിപ്പിക്കാന്‍ നിരവധി വാദങ്ങള്‍ ഉയര്‍ത്താമെന്നും ന്യായങ്ങള്‍ അവതരിപ്പിക്കാമെന്നും കോടതിതന്നെ വ്യക്തമാക്കുന്നു. ഗര്‍ഭത്തിനുകാരണം ലൈംഗികാതിക്രമവും പീഡനവുമാണെന്നും പീഡനമേല്പിക്കുന്നയാളില്‍നിന്നു ലഭിച്ച കുട്ടിയെ വളര്‍ത്താന്‍ സ്ത്രീയെ നിര്‍ബന്ധിക്കരു
തെന്നും കോടതി പറയുമ്പോള്‍, ഉള്ളില്‍പ്പിടയുന്ന മനുഷ്യജീവന്‍ എന്തു തെറ്റുചെയ്തുവെന്ന് മറുചോദ്യം ചോദിക്കാന്‍ നമ്മുടെ നിയമസംവിധാനങ്ങളും സാമൂഹികപരിഷ്‌കര്‍ത്താക്കളും സാംസ്‌കാരികനേതൃത്വങ്ങളും പരാജയപ്പെട്ടു.  
സ്ത്രീക്ക് പരിപൂര്‍ണസ്വാതന്ത്ര്യമോ?
മെഡിക്കല്‍ ടെര്‍മിനേഷന്‍ ഓഫ് പ്രഗ്നന്‍സിയുടെ 3 ബി വകുപ്പ് 24 ആഴ്ചവരെയുള്ള ഗര്‍ഭം ഒഴിവാക്കാന്‍ അനുമതി ആര്‍ക്കെല്ലാമുïെന്നു വ്യക്തമാക്കുന്നു. ഇതില്‍ ബലമായ ലൈംഗികവേഴ്ചയെ ഉള്‍ക്കൊള്ളിച്ചിരുന്നില്ല. പക്ഷേ, സുപ്രീംകോടതി പുതിയ വിധിയിലൂടെ ഇക്കാര്യത്തില്‍ വ്യക്തത വരുത്തിയിരിക്കുന്നു. ഭ്രൂണഹത്യയ്ക്ക് ഗര്‍ഭിണിയുടെ മാത്രം വാക്കുകള്‍ മതിയെന്നും ലൈംഗികാതിക്രമമോ പീഡനമോ ഉïായതായി സ്ത്രീ തെളിയിക്കേïതില്ലെന്നുംവരെ സുപ്രീംകോടതി സൂചിപ്പിക്കുമ്പോള്‍, സ്ത്രീക്കു ഗര്‍ഭച്ഛിദ്രത്തിനു പരിപൂര്‍ണസ്വാതന്ത്യമാണു നല്‍കപ്പെടുന്നത്. ഇത് ഭാവിയില്‍ വലിയ സാമൂഹികവെല്ലുവിളിയായി മാറുമെന്നുറപ്പാണ്. 
മനുഷ്യജീവനു  പുല്ലുവിലയോ?
സുപ്രീം കോടതി 2022 സെപ്തംബര്‍ 29 നു പുറപ്പെടുവിച്ച വിധിവാക്യങ്ങളില്‍ പൊതുസമൂഹത്തില്‍നിന്നുയരുന്ന  ചോദ്യങ്ങള്‍ ഒട്ടേറെയാണ്. സ്ത്രീപുരുഷ ലൈംഗികബന്ധത്തെത്തുടര്‍ന്ന് സ്ത്രീയുടെ ഗര്‍ഭപാത്രത്തില്‍ രൂപംകൊള്ളുന്ന ഭ്രൂണം ഒരു മനുഷ്യജീവനല്ലേ? ഗര്‍ഭാവസ്ഥയിലുള്ള മനുഷ്യവ്യക്തിക്കും ജീവിക്കാന്‍ അവകാശമില്ലേ? മനുഷ്യജീവന്റെ സംരക്ഷണത്തിനു രാജ്യത്തു നടപ്പാക്കുന്ന വിവിധങ്ങളായ നിയമവ്യവസ്ഥകള്‍ ഗര്‍ഭപാത്രത്തിലായിരിക്കുന്ന മനുഷ്യജീവനും ബാധകമാക്കാത്തതെന്ത്? 1971 വരെ ഗര്‍ഭച്ഛിദ്രം കുറ്റകരവും ശിക്ഷാര്‍ഹവുമായിരുന്നു. 1971 നുശേഷം ഗര്‍ഭച്ഛിദ്രത്തെ വെള്ളപൂശാന്‍ നിയമവ്യവസ്ഥകള്‍തന്നെ അട്ടിമറിച്ച കൊടുംക്രൂരത അംഗീകരിച്ചുകൊടുക്കാനാവുമോ? മനുഷ്യജീവനെ ബോധപൂര്‍വം കൊല്ലുന്ന അധാര്‍മികതയ്ക്കു നിയമസംരക്ഷണം നല്‍കുന്ന വ്യവസ്ഥിതി അരാജകത്വം ക്ഷണിച്ചുവരുത്തുന്നതാണ്. ദൈവികദാനമായ ജീവന്റെ സംരക്ഷണം ഉറപ്പുവരുത്തുന്നതില്‍നിന്നു നിയമസംവിധാനങ്ങള്‍ ഒളിച്ചോടുന്നത് പുരോഗമനകാഴ്ചപ്പാടുകളുടെ ഭാഗമാണെന്ന ന്യായവാദം തലമുറകളില്‍ സൃഷ്ടിക്കുന്ന തകര്‍ച്ചയുടെയും സാമൂഹികാധഃപതനത്തിന്റെയും ആഴം വളരെ വലുതാണ്. 
ഗര്‍ഭച്ഛിദ്രത്തെ  പവിത്രമാക്കിയതാര്?
1947 ല്‍ ഇന്ത്യ സ്വാതന്ത്ര്യം പ്രാപിക്കുമ്പോള്‍ മാത്രമല്ല, തുടര്‍ന്നിങ്ങോട്ട് രണ്ടരപ്പതിറ്റാണ്ടോളം ഗര്‍ഭച്ഛിദ്രം ക്രിമിനല്‍ കുറ്റമായിരുന്നു. 1860 ലെ ഇന്ത്യന്‍ ശിക്ഷാനിയമം 312-ാം വകുപ്പുപ്രകാരം ഗര്‍ഭച്ഛിദ്രം നടത്തുന്ന സ്തീയ്ക്ക് കുറഞ്ഞത് മൂന്നു വര്‍ഷം കഠിനതടവു ശിക്ഷ വിധിച്ചിരുന്നു. 
രാജ്യത്ത് ഗര്‍ഭച്ഛിദ്രനിയമം ആവശ്യമുണ്ടോയെന്നു പഠിക്കുന്നതിനായി കേന്ദ്രസര്‍ക്കാര്‍ ശാന്തിലാല്‍ കമ്മീഷനെ നിയമിച്ചു. 1967 ല്‍ ശാന്തിലാല്‍ ഷാ കമ്മീഷന്‍ നല്‍കിയ റിപ്പോര്‍ട്ടിന്റെ അടിസ്ഥാനത്തില്‍ കോണ്‍ഗ്രസിന്റെ ഭരണകാലത്ത്, അതായത്, 1971 ല്‍ ഇന്ദിരാഗാന്ധി പ്രധാനമന്ത്രിയായിരിക്കേ, മെഡിക്കല്‍ ടെര്‍മിനേഷന്‍ ഓഫ് പ്രഗ്നന്‍സി ആക്ട് നിലവില്‍ വന്നു. രഹസ്യമായും പ്രാകൃതരീതിയിലും നടത്തുന്ന ഗര്‍ഭച്ഛിദ്രം സ്ത്രീയുടെ ജീവനു വെല്ലുവിളിയുയര്‍ത്തുമെന്ന ശാന്തിലാല്‍ കമ്മീഷന്റെ കണ്ടെത്തലാണ് വൈദ്യശാസ്ത്രപരമായി ഗര്‍ഭം നീക്കംചെയ്യല്‍ ചട്ടത്തിനു പിന്നിലുള്ളത്. 
ഈ നിയമപ്രകാരം ഗര്‍ഭധാരണം 12 ആഴ്ച പൂര്‍ത്തിയാകുന്നതുവരെ ഗര്‍ഭച്ഛിദ്രത്തിന് ഒരു ഡോക്ടറിന്റെ നിര്‍ദേശമുണ്ടായിരിക്കണം. ഡോക്ടറാകട്ടെ ഇന്ത്യന്‍ മെഡിക്കല്‍ കൗണ്‍സിലില്‍ രജിസ്‌ട്രേഷനുള്ള ആളായിരിക്കണം. 12 ആഴ്ചയ്ക്കും 20 ആഴ്ചയ്ക്കും ഇടയിലാണ് ഗര്‍ഭം അലസിപ്പിക്കലെങ്കില്‍ മേല്പറഞ്ഞ രീതിയിലുള്ള രണ്ടു ഡോക്ടര്‍മാരുടെ അംഗീകാരം വേണം. ഗര്‍ഭച്ഛിദ്രം നടത്തി പണസമ്പാദനത്തിനായി മെഡിക്കല്‍ എത്തിക്‌സിനുപോലും പുല്ലുവില കല്പിക്കുന്ന ക്രൂരതയും ഓരോ ദിവസവും ഈ രാജ്യം കാണുന്നുണ്ട്. 1971 ലെ നിയമപ്രകാരം ഡോക്ടര്‍മാര്‍ നല്‍കുന്ന ഗര്‍ഭച്ഛിദ്രകാരണംകാണിക്കല്‍ മെഡിക്കല്‍ റിക്കാര്‍ഡില്‍ കുറിക്കപ്പെടുന്നതു രണ്ടു കാരണങ്ങളാണ്. ഈ ഗര്‍ഭം അമ്മയുടെ ജീവനു ഭീഷണി, അല്ലെങ്കില്‍ കുഞ്ഞിനു ബുദ്ധിമാന്ദ്യം, അംഗവൈകല്യം. ആധുനിക വൈദ്യശാസ്ത്ര സാങ്കേതികവിദ്യയുടെ കാലത്തും ഈ വാദഗതി നിലനില്‍ക്കുന്നുവെന്നതാണ് അതിശയകരം. 
2020 ലെ നിയമഭേദഗതി
ഗര്‍ഭച്ഛിദ്രം ഇന്ത്യയില്‍ നിരോധിച്ച 1971 ഓഗസ്റ്റ് 10 വരെയുള്ള കാലത്തിനുശേഷം 20 ആഴ്ചവരെയായ ഗര്‍ഭസ്ഥശിശുവിനെ കൊലചെയ്യുന്നതിനു നിയമസാധുത നിലനില്‍ക്കേയാണ് 2020 ല്‍ 1971 ലെ ഗര്‍ഭച്ഛിദ്രനിയമത്തിനു ഭേദഗതി വരുത്തിയുള്ള ബില്‍ മോദിസര്‍ക്കാര്‍ അവതരിപ്പിച്ചത്. 2020 മാര്‍ച്ച് 17 ന്  ലോകസഭയും 2020 മാര്‍ച്ച് 16ന് രാജ്യസഭയും ബില്‍ പാസ്സാക്കി. തുടര്‍ന്ന്, 2021 മാര്‍ച്ച് 25 ന് രാഷ്ട്രപതിയുടെ അംഗീകാരവും നേടി. 2021 സെപ്തംബര്‍ 24 മുതല്‍ ഭേദഗതികള്‍ പ്രാബല്യത്തില്‍വന്നു. കോടിക്കണക്കിനു ഗര്‍ഭസ്ഥശിശുക്കളെ നിഷ്‌കരുണം കൊലചെയ്യാനുള്ള ലൈസന്‍സ് കൂടുതല്‍ ഉദാരമാക്കിയുള്ളതാണ് പുതിയ നിയമഭേദഗതികള്‍. 
2021 സെപ്തംബര്‍ 24 ന് പ്രാബല്യത്തില്‍വന്ന പുതിയ നിയമഭേദഗതി പ്രകാരം 24 ആഴ്ചവരെയെത്തിയ ഗര്‍ഭസ്ഥശിശുവിനെയും നശിപ്പിക്കാം. രണ്ടു ഡോക്ടര്‍മാരുടെ തീരുമാനം മാത്രം മതി. അതുപോലെതന്നെ ഗൈനക്കോളജിസ്റ്റ്, റോഡിയോളജിസ്റ്റ് എന്നിവരുള്‍പ്പെടെ ഒരു മെഡിക്കല്‍ ബോര്‍ഡിന്റെ തീരുമാനമുണ്ടെങ്കിലും സമയപരിധി നോക്കാതെ നശിപ്പിക്കാം. അതിനായി ഗര്‍ഭസ്ഥശിശുവിന് ആരോഗ്യപ്രശ്‌നങ്ങള്‍ ഉണ്ടെന്നു കണ്ടെത്തി റിപ്പോര്‍ട്ട് സമര്‍പ്പിച്ചാല്‍ മതിയാകും. ഈ നിയമഭേദഗതി സാഹചര്യങ്ങളെപ്പോലും ദുര്‍ബലപ്പെടുത്തുന്ന വിധിയാണ്, 2022 സെപ്തംബര്‍ 29 ന് സുപ്രീംകോടതി നടത്തിയിരിക്കുന്നത്. നിയമങ്ങളുടെ വ്യാഖ്യാനങ്ങള്‍ ഗര്‍ഭസ്ഥക്കുരുന്നിനെ കുരുതികൊടുത്ത് സ്ത്രീയുടെ സംരക്ഷണത്തിനു മാത്രമാകുന്നത് ഭാവിയില്‍ ആധുനികസമൂഹത്തില്‍ വലിയ ദുരന്തങ്ങള്‍ ഏറ്റുവാങ്ങുന്ന സാഹചര്യമൊരുക്കും. 
ഞെട്ടിക്കുന്ന കണക്കുകള്‍
ഓരോ വര്‍ഷവും ഗര്‍ഭച്ഛിദ്രത്തിന്റെ ഞെട്ടിക്കുന്ന കണക്കുകളാണു പുറത്തുവരുന്നത്. നിയമങ്ങള്‍ ലഘൂകരിക്കുമ്പോഴും കൂടുതല്‍ സുതാര്യമാക്കുമ്പോഴും കണക്കുകള്‍ ഉയരുന്ന കാഴ്ച വലിയ തകര്‍ച്ചയാണ്. ഇന്ത്യയില്‍ പ്രതിവര്‍ഷം 1.6 കോടി ഗര്‍ഭച്ഛിദ്രങ്ങള്‍ നടക്കുന്നുവെന്ന് ഔദ്യോഗികസ്ഥിരീകരണങ്ങളുണ്ട്. രേഖകളില്ലാത്തവ അതിലെത്ര മടങ്ങുണ്ടാവുമെന്ന് ഊഹിക്കുക. ഗര്‍ഭച്ഛിദ്രംമൂലം ഗര്‍ഭസ്ഥശിശുവിനോടൊപ്പം മരണപ്പെടുന്ന അമ്മമാരുടെ അഥവാ ഗര്‍ഭിണികളുടെ എണ്ണവും കൂടി. ഇപ്പോഴിത് വര്‍ഷം 70,000 വരുമെന്നറിയുന്നു. ശാരീരികവൈകല്യം ഉണ്ടായവരും മാനസികപിരിമുറുക്കത്തിന്റെ അനന്തരഫലമായി സുബോധം നഷ്ടപ്പെട്ട് ജീവിതം തകര്‍ന്നവരും ഏറെയുണ്ട്. ലോകമെമ്പാടും ഏകദേശം 5.6 കോടി ഗര്‍ഭച്ഛിദ്രങ്ങള്‍ നടക്കുന്നതായും രാജ്യാന്തര ഏജന്‍സികള്‍ നല്‍കുന്ന കണക്കുകളും രേഖകളും വ്യക്തമാക്കുന്നു. കഴിഞ്ഞ നൂറ്റാണ്ടില്‍ ഗര്‍ഭച്ഛിദ്രത്തെ അനുകൂലിച്ച് നിയമംമൂലം അംഗീകാരം നല്‍കിയ പല രാജ്യങ്ങളും ഇപ്പോള്‍ മാറിച്ചിന്തിക്കാന്‍ തുടങ്ങിയിരിക്കുന്നു. ജനനനിയന്ത്രണവും ഗര്‍ഭച്ഛിദ്രവുംമൂലമുണ്ടായ സാമൂഹികതകര്‍ച്ചയില്‍നിന്നു കരകയറാന്‍ ഗര്‍ഭച്ഛിദ്രം നിരോധിക്കാന്‍ വികസിതരാജ്യങ്ങള്‍ മുന്നോട്ടുവരുമ്പോഴാണ് സാംസ്‌കാരികപൈതൃകത്തിനു പുകള്‍പെറ്റ ഇന്ത്യ ഗര്‍ഭച്ഛിദ്രത്തിനു  കൂടുതല്‍ നിയമപരിരക്ഷ നല്‍കി സുതാര്യമാക്കുന്നതെന്നോര്‍ക്കണം.