ഉണ്ണി വാരിയത്ത്
കവിയാണു താനെന്ന് അയാള്‍ അവകാശപ്പെട്ടു.
ഋഷിയെപ്പോലെ എന്തും കടന്നുകാണേണ്ട വ്യക്തിയാണല്ലോ കവി. അതുകൊണ്ട്, ഒരു വിഷയമെടുത്തിട്ട് ആരോ ചോദിച്ചു:
''ഇക്കാര്യത്തില്‍ എന്താണ് താങ്കളുടെ കാഴ്ചപ്പാട്?''
അവിടെയും ഇവിടെയും തൊടാതെയുള്ള മറുപടിയായിരുന്നു അയാളുടേത്. ഒന്നും കടന്നുകാണാന്‍ അയാള്‍ക്കു കഴിയില്ലെന്നു വ്യക്തമായി.
കാഴ്ചയില്‍ കവിയായി തോന്നാമെങ്കിലും, കാഴ്ചപ്പാടില്ലാത്ത അയാള്‍ കവിയല്ലെന്ന കാഴ്ചപ്പാടിലാണിപ്പോള്‍ സമൂഹം.
