*
പാലാ: മാര് സ്ലീവാ മെഡിസിറ്റിയുടെ ആറാമത് വാര്ഷികത്തോടനുബന്ധിച്ച് നിര്മിച്ച മാര് സ്ലീവാ കാന്സര് കെയര് ആന്ഡ് റിസര്ച്ച് സെന്റര് നാടിനു സമര്പ്പിച്ചു. വൈദികമേലധ്യക്ഷന്മാരും മന്ത്രിമാരും ജനപ്രതിനിധികളും പൗരപ്രമുഖരും സന്നിഹിതരായിരുന്ന ചടങ്ങില് കാന്സര് കെയര് ആന്ഡ് റിസര്ച്ച് സെന്ററിന്റെ വെഞ്ചരിപ്പും ഉദ്ഘാടനവും നടന്നു. സിബിസിഐ പ്രസിഡന്റും തൃശൂര് ആര്ച്ചുബിഷപ്പുമായ മാര് ആന്ഡ്രൂസ് താഴത്ത് വെഞ്ചരിപ്പിനു മുഖ്യകാര്മികത്വം വഹിച്ചു. മാര് ജോസഫ് പള്ളിക്കാപറമ്പില് മാര് സ്ലീവാ കാന്സര് കെയര് ആന്ഡ് റിസര്ച്ച് സെന്ററിന്റെ ഉദ്ഘാടനം നിര്വഹിച്ചു. സമകാലികചികിത്സാസംവിധാനങ്ങള് കോര്ത്തിണക്കി ആരോഗ്യരംഗത്തു ശ്രേഷ്ഠമായ സംഭാവനകള് നല്കാന് മാര് സ്ലീവാ മെഡിസിറ്റിക്കു സാധിച്ചതായി മാര് ജോസഫ് പള്ളിക്കാപറമ്പില് പറഞ്ഞു.
മന്ത്രിമാരായ വി.എന്. വാസവന്, റോഷി അഗസ്റ്റിന് എന്നിവര് ചേര്ന്ന് സെന്റര് നാടിനു സമര്പ്പിച്ചു. തിരുവനന്തപുരം ആര്സിസിയില് ലഭ്യമാകുന്ന പോലെ കാന്സര്ചികിത്സാരംഗത്ത് ഏറ്റവും നൂതനചികിത്സ മാര് സ്ലീവാ മെഡിസിറ്റിയില് ആരംഭിക്കുന്നത് സംസ്ഥാനത്തിനുതന്നെ അഭിമാനകരമാണെന്ന് മന്ത്രി വി.എന്. വാസവന് പറഞ്ഞു. വിശ്വാസത്തിന്റെ ആധുനികചികിത്സയൊരുക്കുന്ന കേന്ദ്രമാണ് മാര് സ്ലീവാ മെഡിസിറ്റി എന്നും മെഡിക്കല് കോളജ് എന്ന ലക്ഷ്യത്തിലേക്ക് മാര് സ്ലീവാ മെഡിസിറ്റി എത്തിച്ചേര്ന്നതായും മന്ത്രി റോഷി അഗസ്റ്റിന് അഭിപ്രായപ്പെട്ടു. ബിഷപ് മാര് ജോസഫ് കല്ലറങ്ങാട്ട് അധ്യക്ഷത വഹിച്ചു. ബിഷപ് മാര് ജോസഫ് പള്ളിക്കാപറമ്പിലിന്റെ മെത്രാഭിഷേകജൂബിലിയുടെ അമ്പതാം വാര്ഷികത്തെ അനുസ്മരിച്ച് കാന്സര് സെന്റര് മാര് ജോസഫ് പള്ളിക്കാപറമ്പില് എപ്പിസ്കോപ്പല് ഗോള്ഡന് ജൂബിലി മെമ്മോറിയല് മാര് സ്ലീവാ കാന്സര് കെയര് ആന്ഡ് റിസര്ച്ച് സെന്റര് എന്ന് നാമകരണം ചെയ്യുന്നതായി ബിഷപ് മാര് ജോസഫ് കല്ലറങ്ങാട്ട് പ്രഖ്യാപിച്ചു. ഷംഷാബാദ് രൂപത സഹായമെത്രാന് മാര് ജോസഫ് കൊല്ലംപറമ്പില് അനുഗ്രഹപ്രഭാഷണം നടത്തി. പുതിയ സെന്ററിന്റെ പ്രോജക്ട്, സൗകര്യങ്ങള് എന്നിവയുടെ അവതരണം ആശുപത്രി പ്രോജക്ട്സ്, ഐടി, ലീഗല് ആന്ഡ് ലെയ്സണ് ഡയറക്ടര് ഫാ. ജോസ് കീരഞ്ചിറ നിര്വഹിച്ചു. ഓങ്കോളജി വകുപ്പിന്റെ സേവനങ്ങളെക്കുറിച്ച് മെഡിക്കല് ഓങ്കോളജി വിഭാഗം മേധാവി ഡോ. റോണി ബെന്സണ് വിശദീകരിച്ചു. ആശുപത്രി മാനേജിങ് ഡയറക്ടര് മോണ്. ജോസഫ് കണിയോടിക്കല്, എം.പി. മാരായ ഫ്രാന്സിസ് ജോര്ജ്, ജോസ് കെ. മാണി, ആന്റോ ആന്റണി, ഡീന് കുര്യാക്കോസ്, മാണി സി. കാപ്പന് എംഎല്എ., മോന്സ് ജോസഫ് എം.എല്.എ., ചേര്പ്പുങ്കല് മാര് സ്ലീവാ ഫൊറോനപ്പള്ളി വികാരി ഫാ. മാത്യു തെക്കേല്, ചീഫ് ഓഫ് മെഡിക്കല് സര്വീസസ് എയര് കോമഡോര് ഡോ. പൗളിന് ബാബു എന്നിവര് പ്രസംഗിച്ചു. രാഷ്ട്രദീപിക ലിമിറ്റഡ് മാനേജിങ് ഡയറക്ടര് ഫാ. മൈക്കിള് വെട്ടിക്കാട്ട്, വികാരി ജനറാള്മാര്, ഫൊറോന വികാരിമാര്, ത്രിതലപഞ്ചായത്ത് പ്രതിനിധികള് തുടങ്ങിയവര് വെഞ്ചരിപ്പുകര്മത്തിലും ഉദ്ഘാടനസമ്മേളനങ്ങളിലും പങ്കെടുത്തു.
