ഏലിക്കുട്ടി മാണി തടത്തില് ലോകൈകനാഥനാം ദൈവപുത്രന്‍ മന്നില്‍
മര്‍ത്ത്യനു രക്ഷകനായ്പ്പിറന്നു
പാരിന്റെ പാപവിമോചകന്‍ ശ്രീയേശു
രാജനായ് പുല്‍ക്കൂട്ടില്‍ ജാതനായി
വാനദൂതര്‍ പാടി മംഗളഗീതികള്‍
മാലോകര്‍ക്കാനന്ദമദ്ഭുതമായ്
വാനുലകത്തിലെ ദേവസദ്വാര്‍ത്തകള്‍
മാനവഹൃത്തിനെ ശുദ്ധി ചെയ്തു
അത്യുന്നതങ്ങളില്‍ ദൈവത്തിനു സ്തുതി
നന്മനം മന്നിലുള്ളോര്‍ക്കു ശാന്തി
മാലാഖവ്യൂഹസങ്കീര്‍ത്തനം കേട്ടുട-
നെത്തിയിടന്മാര്‍ ഗോശാലയില്‍
പൊന്നുണ്ണിരാജനെ കണ്ടുവന്ദിച്ചവ-
രാമോദനൃത്തസ്തുതി പൊഴിച്ചു
സംപൂജ്യരാം മൂന്നു രാജാക്കളാദരാ-
ലര്‍പ്പിച്ചു കാഴ്ചകള്‍ സമ്പൂര്‍ണമായ്
യൗസേപ്പും മേരിയും ധ്യാനിച്ചു ശക്തരായ്
പൊന്നുണ്ണിരാജനെ ശുശ്രൂഷിച്ചു
പാപവിമോചകന്‍ പാരിന്റെ രക്ഷകന്‍
പകലോന്‍പ്രഭതൂകി വാണിടുന്നു.
Previous Issues
