സുരേന്ദ്രന്‍ ശ്രീമൂലനഗരം
ധനവും ഭവനവുമുള്ളവര്‍ക്ക്
മഴ ഹൃദ്യമാണ് കവിതയാണ്
മഴതന്‍ കുളിരില്‍ പുതച്ചിരിക്കാം
പുഴയൊഴുക്കില്‍ ചൂണ്ടമീന്‍ പിടിക്കാം
പണി വേണ്ട പണമുണ്ട് ഭക്ഷണങ്ങള്‍
പലതുമുണ്ടാക്കിക്കഴിച്ചിരിക്കാം
പതിതരീ നാട്ടിലിന്നേറെയുണ്ട്
പണിയില്ല പണമില്ല, കൂരയില്ല
മഴയവര്‍ക്കെന്നും ദുരിതമാണ്
കരളിലെ തീയും കണ്ണീരുമാണ്
മെല്ലെ പറയാം, ചിന്തിച്ചുനോക്കൂ
മുല്ലപ്പെരിയാര്‍ തലയ്ക്കുമീതെ
ഭരണകൂടങ്ങള്‍ക്കനക്കമില്ല
മരണം മണക്കും ദിനങ്ങളാണ്
മഴഗീതമിപ്പോളസഹ്യമാണ്
മഴ ഹൃദ്യമല്ല, അലിവുമല്ല!
