സ്വന്തം ലേഖകൻ 
ഡല്‍ഹി ആസ്ഥാനമായ ഇന്റര്‍നാഷണല്‍ ഹ്യൂമന്‍ റൈറ്റ്‌സ് കൗണ്‍സിലിന്റെ പതിനൊന്നാമത് അന്താരാഷ്ട്ര മനുഷ്യാവകാശ അവാര്‍ഡിന് മലയാളി കന്യാസ്ത്രീ സി. ബെറ്റ്‌സി ദേവസ്യ അര്‍ഹയായി. നോര്‍ത്ത് ഈസ്റ്റ് സംസ്ഥാനങ്ങളിലെ ആദിവാസിസ്ത്രീകളുടെ ഉന്നമനത്തിനായുള്ള പ്രവര്‍ത്തനങ്ങള്‍ക്കാണ് ഹോളി ക്രോസ് സന്ന്യാസിനീസമൂഹാംഗമായ സി. ബെറ്റ്‌സി ദേവസ്യയെ അവാര്‍ഡിന് അര്‍ഹയാക്കിയത്. കഴിഞ്ഞ 30 വര്‍ഷത്തിലേറെയായി നോര്‍ത്ത് ഈസ്റ്റിലെ പാവപ്പെട്ടവരുടെയിടയില്‍ നിസ്വാര്‍ത്ഥസേവനം ചെയ്തുകൊണ്ടിരിക്കുന്ന 74 വയസ്സുകാരിയായ സി.ബെറ്റ്‌സി കോട്ടയം ജില്ലയിലെ പുലിപ്പാറ ദേവസ്യയുടെയും റോസമ്മയുടെയും മകളാണ്.
