*
പാലാ: മാര്ത്തോമ്മാശ്ലീഹാ പാകി മുളപ്പിച്ച നസ്രാണി പാരമ്പര്യത്തിന്റെ കരുത്തും വിശ്വാസത്തിന്റെ വീര്യവും ഓര്മിപ്പിച്ചുകൊണ്ടാണ് രൂപതയുടെ മഹാകുടുംബയോഗമായ ബൈബിള് കണ്വെന്ഷനു തുടക്കമാകുന്നതെന്ന് മാര് ജോസഫ് കല്ലറങ്ങാട്ട്. 19 ന് ആരംഭിക്കുന്ന പാലാ രൂപത 43-ാമത് ബൈബിള് കണ്വെന്ഷന്റെ പന്തല്നാട്ടുകര്മം സെന്റ് തോമസ് കോളജ് ഗ്രൗണ്ടില് നിര്വഹിച്ചു പ്രസംഗിക്കുകയായിരുന്നു ബിഷപ്.
പാലാ രൂപത പ്രോട്ടോസിഞ്ചെല്ലൂസ് മോണ്. ജോസഫ് തടത്തില്, പാലാ കത്തീദ്രല് വികാരി ഫാ. ജോസ് കാക്കല്ലില്, ളാലം പഴയ പള്ളി വികാരി ഫാ. ജോസഫ് തടത്തില്, അരുണാപുരം പള്ളി വികാരി ഫാ. എബ്രഹാം കുപ്പപ്പുഴയ്ക്കല് തുടങ്ങിയവര് പങ്കെടുത്തു.
മോണ്. സെബാസ്റ്റ്യന് വേത്താനത്ത്, ഇവാഞ്ചലൈസേഷന് ഡയറക്ടര് ഫാ. ജോസഫ് അരിമറ്റത്ത്, ഫാ. ആല്ബിന് പുതുപ്പറമ്പില്, ജോണിച്ചന് കൊട്ടുകാപ്പള്ളി, ജോര്ജുകുട്ടി ഞാവള്ളില്, സണ്ണി പള്ളിവാതുക്കല്, പോള്സണ് പൊരിയത്ത്, ബൈജു ഇടമുളയില്, ഷിജി വെള്ളപ്ലാക്കല്, ടോമി മംഗലത്തില്, ഷാജി ഇടത്തിനകം, സോഫി വൈപ്പന തുടങ്ങിയവര് ശുശ്രൂഷകള്ക്കു നേതൃത്വം നല്കി.
