മേജര്‍ ആര്‍ച്ചുബിഷപ് മാര്‍ റാഫേല്‍ തട്ടില്‍
സീറോ മലബാര്‍ സഭയുടെ മുപ്പത്തിരണ്ടാമതു സിനഡിന്റെ മൂന്നാം സമ്മേളനം 2024 ഓഗസ്റ്റ് 19 മുതല്‍ 31 വരെ സഭയുടെ ആസ്ഥാനകാര്യാലയമായ മൗണ്ട് സെന്റ് തോമസില്‍ നടന്നു. പ്രതിസന്ധികള്‍ക്കിടയിലും ദൈവപരിപാലനയുടെ അതിശയകരമായ നടത്തിപ്പ് അനുഭവിച്ചറിയാനുള്ള അവസരമായാണ് സിനഡുസമ്മേളനം അനുഭവപ്പെട്ടത്. സഭയെയും സമൂഹത്തെയും ബാധിക്കുന്ന നിരവധി കാര്യങ്ങള്‍ സിനഡുപിതാക്കന്മാരുടെ പരിചിന്തനത്തിനു വിഷയമായി.
പ്രകൃതിദുരന്തങ്ങള്‍
വയനാട്ടിലും വിലങ്ങാടും സംഭവിച്ച സമാനതകളില്ലാത്ത പ്രകൃതിദുരന്തത്തില്‍ മരണമടഞ്ഞവരെ സിനഡ് പ്രാര്‍ഥനാപൂര്‍വം അനുസ്മരിച്ചു. ഉറ്റവരെയും ഉടയവരെയും മാത്രമല്ല, ഉള്ളതെല്ലാം നഷ്ടപ്പെട്ട് അനാഥരായിത്തീര്‍ന്ന ദുരിതബാധിതര്‍ക്കൊപ്പം കേരളമൊന്നാകെ നിലകൊണ്ടതു നമ്മുടെ സമൂഹത്തിന്റെ നന്മയും പ്രത്യാശയുടെ പ്രകാശവുമാണ്. ദുരന്തബാധിതരെ പുനരധിവസിപ്പിക്കാനുള്ള സംരംഭത്തില്‍ സഭയുടെ സമ്പൂര്‍ണമായ സഹകരണം ഉറപ്പുവരുത്തിയിട്ടുണ്ട്.
വിവിധ സംസ്ഥാനങ്ങളിലെ കത്തോലിക്കാമെത്രാന്‍സമിതികളുടെ സഹകരണത്തോടെ ഭവനങ്ങള്‍ നിര്‍മിച്ചുനല്കാനും ഭൂരഹിതരായവര്‍ക്കു ഭവനനിര്‍മാണത്തിനാവശ്യമായ ഭൂമി സൗജന്യമായി വിട്ടുനല്കാനുമുള്ള സഭയുടെ സന്നദ്ധത ഉത്തരവാദിത്വപ്പെട്ടവരെ ഇതിനോടകം അറിയിച്ചിട്ടുണ്ട്. പുനരധി
വാസപ്രക്രിയ ത്വരിതഗതിയിലാക്കാനുംദുരിതബാധിതര്‍ക്കുള്ള നഷ്ടപരിഹാരപാക്കേജുകള്‍ സത്വരമായി പ്രഖ്യാപിക്കാനും സിനഡുസമ്മേളനം സര്‍ക്കാ
രിനോട് ആവശ്യപ്പെട്ടിട്ടുണ്ട്.
നാം ''അധിവസിക്കുന്ന പൊതുഭവനം'' എന്ന് ഫ്രാന്‍സിസ് മാര്‍പാപ്പാ വിശേഷിപ്പിച്ച നമ്മുടെ പരിസ്ഥിതിയെ സംരക്ഷിക്കാന്‍ സഭ എന്നും പ്രതിജ്ഞാബദ്ധമാണ്. എന്നാല്‍, പരിസ്ഥിതിക്ക് ആഘാതംവരുത്തുന്ന വിവിധ ഖനനങ്ങള്‍ക്കും വന്‍കിടനിര്‍മാണങ്ങള്‍ക്കും നേരേ കണ്ണടയ്ക്കുകയും കര്‍ഷകരെ പരിസ്ഥിതിഘാതകരായി ചിത്രീകരിക്കുകയും ചെയ്യുന്ന തെറ്റായ പരിസ്ഥിതിവാദത്തെ സഭ തിരിച്ചറിയുന്നുണ്ട്.
പ്രകൃതിദുരന്തങ്ങളുടെ മറവില്‍ കര്‍ഷകദ്രോഹപരമായ നടപടികളാരംഭിക്കാന്‍ സര്‍ക്കാരിന്റെ ഭാഗത്തുനിന്നുണ്ടാകുന്ന നീക്കങ്ങള്‍ അപലപനീയമാണ്. പരിസ്ഥിതിലോലപ്രദേശങ്ങളായി കേരളത്തിലെ 131 വില്ലേജുകള്‍ ഉള്‍പ്പെടുത്തിക്കൊണ്ടു കേന്ദ്രസര്‍ക്കാര്‍ പുറത്തിറക്കിയ വിജ്ഞാപനം മലയോരക്കര്‍ഷകരില്‍ ഏറെ ആശങ്കയുളവാക്കുന്നുണ്ട്. ആയുസ്സുമുഴുവനും അധ്വാനിച്ചുണ്ടാക്കിയ സ്വന്തം കൃഷിഭൂമി മൂല്യരഹിതമായിത്തീരുന്ന ദയനീയമായ സാഹചര്യമാണ് ഈ വിജ്ഞാപനംവഴി കര്‍ഷകര്‍ക്കുണ്ടായിരിക്കുന്നത്.
ആഗോളതാപനംവഴിയുള്ള അതിവര്‍ഷംതുടങ്ങി പ്രകൃതിദുരന്തങ്ങളുടെ യഥാര്‍ഥകാരണം വിശദീകരിക്കുന്ന ശാസ്ത്രീയപഠനങ്ങളെ നിരാകരിച്ചുകൊണ്ട് കര്‍ഷകരെ ബലിയാടാക്കാനുള്ള നീക്കം പ്രതിഷേധാര്‍ഹവും തിരുത്തപ്പെടേനതുമാണ്. ഇക്കാര്യത്തില്‍ കര്‍ഷകരുടെ ആശങ്കയകറ്റാനുള്ള വ്യക്തമായ ഇടപെടല്‍ സര്‍ക്കാരിന്റെ ഭാഗത്തുനിന്നുണ്ടാകണം.
സീറോമലബാര്‍ മേജര്‍ ആര്‍ക്കിഎപ്പിസ്‌കോപ്പല്‍ അസംബ്ലി
സീറോമലബാര്‍സഭയുടെ അഞ്ചാമത് മേജര്‍ ആര്‍ക്കി എപ്പിസ്‌കോപ്പല്‍ അസംബ്ലിക്ക് ഓഗസ്റ്റ് 22 മുതല്‍ 25 വരെ പാലാ രൂപതയിലെ അല്‍ഫോന്‍സിയന്‍ പാസ്റ്ററല്‍ ഇന്‍സ്റ്റിറ്റ്യൂട്ടും സെന്റ് തോമസ് കോളജും സംയുക്തമായി ആതിഥേയത്വം വഹിച്ചു. സംഘാടനമികവുകൊണ്ടും കൂട്ടായ്മയുടെ സാക്ഷ്യംകൊണ്ടും ചര്‍ച്ചാ
വിഷയങ്ങളുടെ കാലികപ്രസക്തികൊണ്ടും ഇത്തവണത്തെ അസംബ്ലി ഏറെ ശ്രദ്ധേയമായിരുന്നു. വിശ്വാസപരിശീലനത്തിലെ നൂതനാഭിമുഖ്യങ്ങള്‍, മിഷന്‍പ്രവര്‍ത്തനത്തിലെ അല്മായരുടെ പങ്കാളിത്തം, സീറോമലബാര്‍ സമുദായശക്തീകരണം എന്നീ വിഷയങ്ങളെ ആധാരമാക്കിയുള്ള പഠനങ്ങളും പരിചിന്തനങ്ങളുമാണ് അസംബ്ലിയില്‍ പ്രധാനമായും നടന്നത്.
സീറോമലബാര്‍സഭയിലെ മെത്രാന്മാരും വൈദികരും സമര്‍പ്പിതരും അല്മായരും ഉള്‍പ്പെടുന്ന 348 അംഗങ്ങളാണ് അസംബ്ലിയില്‍ പങ്കെടുത്തത്. സഭയുടെ മുന്നോട്ടുള്ള പ്രയാണത്തിന്റെ ഗതി നിര്‍ണയിക്കാന്‍ സഹായകമായ ശ്രദ്ധേയമായ തീരുമാനങ്ങളും കര്‍മപദ്ധതികളും അസംബ്ലിയില്‍ രൂപീകരിച്ചിട്ടുള്ളത് വിശദമായി നിങ്ങളെ പിന്നീട് അറിയിക്കുന്നതാണ്.
മുല്ലപ്പെരിയാര്‍ ഡാമിന്റെ കാലപ്പഴക്കം മൂലമുള്ള ദുര്‍ബലാവസ്ഥ കേരളത്തിന്റെ മൂന്നിലൊരു ഭാഗത്തിനു നാശംവരുത്താന്‍ പര്യാപ്തമായ ഭീഷണിയായി വളര്‍ന്നിട്ടുണ്ട്. 'തമിഴ്‌നാടിനു വെള്ളവും കേരളത്തിനു സുരക്ഷിതത്വവു'മെന്ന നിലപാടില്‍ ഉറച്ചുനിന്നുകൊണ്ടു ജനങ്ങളുടെ ആശങ്കയകറ്റാനുള്ള സത്വരനടപടികള്‍ സര്‍ക്കാരിന്റെ ഭാഗത്തുനിന്നുണ്ടാകണമെന്നു സഭാ അസംബ്ലി സര്‍ക്കാരിനോടാവശ്യപ്പെട്ടു.
ന്യൂനപക്ഷമായ ക്രൈസ്തവരുടെ പിന്നാക്കാവസ്ഥ പഠിക്കാന്‍ നിയോഗിക്കപ്പെട്ട ജസ്റ്റിസ് ജെ. ബി. കോശി കമ്മീഷന്റെ റിപ്പോര്‍ട്ടു പ്രസിദ്ധീകരിക്കാനോ നിര്‍ദേശങ്ങള്‍ നടപ്പാക്കാനോ സര്‍ക്കാര്‍ നാളിതുവരെ യാതൊന്നും ചെയ്തില്ല എന്ന സത്യം ക്രൈസ്തവസമൂഹത്തെ ഏറെ വേദനിപ്പിക്കുന്നുണ്ട്. ഇക്കാര്യത്തില്‍ സുതാര്യവും നീതിപൂര്‍വകവുമായ ഇടപെടല്‍ സര്‍ക്കാരിന്റെ ഭാഗത്തുനിന്നുണ്ടാകണമെന്നു സഭ ആവശ്യപ്പെടുന്നു.
കുടുംബപ്രാര്‍ഥന
നമ്മുടെ കുടുംബങ്ങളുടെ ശക്തി കേന്ദ്രം നിത്യേനയുള്ള കുടുംബപ്രാര്‍ഥനകളായിരുന്നു. തലമുറകളെ വിശ്വാസപാരമ്പര്യത്തിലും സഭാസ്‌നേഹത്തിലും
നിലനിറുത്തുന്നതില്‍ കുടുംബപ്രാര്‍ഥനയ്ക്കുള്ള പങ്കു വലുതാണ്. എന്നാല്‍, ജോലിത്തിരക്കുകമൂലവും കുടുംബാംഗങ്ങള്‍ വിവിധ ദേശങ്ങളില്‍ ആയിരിക്കു
ന്ന സാഹചര്യത്തിലും നമ്മുടെ പവിത്രമായ കുടുംബപ്രാര്‍ഥനാസംസ്‌കാരത്തിനു കുറവുവന്നിട്ടുള്ളതായി സിനഡ് വിലയിരുത്തി. നമ്മുടെ കുടുംബങ്ങളുടെ
കൂട്ടായ്മയെയും നിലനില്പിനെയും പരിപോഷിപ്പിക്കുന്ന കുടുംബപ്രാര്‍ഥനാരീതി അവികലമായി നിലനിറുത്താന്‍ എല്ലാ കുടുംബാംഗങ്ങളും പരിശ്രമി
ക്കണം.
ഏകീകൃത വിശുദ്ധ കുര്‍ബാനയര്‍പ്പണം
നമ്മുടെ സഭയുടെ ഏകീകൃത കുര്‍ബാനക്രമം എല്ലാ രൂപതകളിലും നടപ്പാക്കാനുള്ള 2021 ലെ സിനഡുതീരുമാനം സഭയിലുടനീളം മാറ്റമില്ലാതെ തുടരുന്നതാണ്. എന്നാല്‍, ഈ തീരുമാനം പൂര്‍ണമായും നടപ്പാക്കാന്‍ ഇനിയും നമുക്കു കഴിഞ്ഞിട്ടില്ല എന്നത് ഏറെ ദുഃഖകരമാണ്. സിനഡുതീരുമാനം നടപ്പാക്കാനുള്ള അജപാലനപരമായ പ്രതിസന്ധികള്‍ നിലനില്ക്കുന്നതിനാല്‍, എറണാകുളം അങ്കമാലി അതിരൂപതയെ മനസ്സിലാക്കാനും പിതൃസഹജമായ സ്‌നേഹത്തോടെ ചേര്‍ത്തുപിടിക്കാനുമാണ് സിനഡ് ശ്രമിച്ചത്. ഇതിന്റെ ഭാഗമായി, ഞായറാഴ്ചകളിലും കടമുള്ള മറ്റു ദിവസങ്ങളിലും ഒരു കുര്‍ബാനയെങ്കിലും ഏകീകൃതരീതിയില്‍ ചൊല്ലിത്തുടങ്ങുന്ന പള്ളികളിലെ വൈദികര്‍ക്കു സഭാപരമായ നടപടികളില്‍നിന്നു താത്കാലികമായി ഇളവുനല്കുമെന്ന് അറിയിച്ചിരുന്നു.
ഏകീകൃതകുര്‍ബാനയര്‍പ്പണം അതിരൂപതമുഴുവനിലും നടപ്പാക്കാനായി ബോധവത്കരണത്തിനുവേണ്ടിയുള്ള സാവകാശമായിട്ടാണ് ഈ ഇളവു നല്കിയത്. ഈ നിര്‍ദേശം നൂറിലധികം പള്ളികളില്‍ നടപ്പായെങ്കിലും അതിരൂപതയിലെ മറ്റു പള്ളികള്‍ ഇക്കാര്യത്തില്‍ പുലര്‍ത്തുന്ന വൈമുഖ്യത്തെ യാതൊരു വിധത്തിലും നീതീകരിക്കാനാവില്ല. ഇത്തരം നിലപാടുകള്‍ കുറ്റകരമായിക്കണ്ടു നടപടികള്‍ സ്വീകരിക്കുന്നതാണ്. ഏകീകൃതകുര്‍ബാനയര്‍പ്പണരീതി നടപ്പാക്കിയ പള്ളികളില്‍ പലതിലും ആത്മാര്‍ഥമായ സമീപനം പ്രകടമായില്ല എന്ന പരാതി നിലവിലുണ്ട്.
ഒരുമിച്ചുനടക്കാനുള്ള സിനഡിന്റെ പരിശ്രമങ്ങളെ ശരിയായ അര്‍ഥത്തില്‍ മനസ്സിലാക്കി സഹകരിക്കാന്‍ എറണാകുളം- അങ്കമാലി അതിരൂപതയിലെ വൈദികരോടും സമര്‍പ്പിതരോടും അല്മായരോടും സിനഡ് ആവശ്യപ്പെടുകയാണ്. ഏറെ വെല്ലുവിളികള്‍ക്കിടയിലും അപ്പസ്‌തോലികധീരതയോടെ സിനഡിന്റെ തീരുമാനം നടപ്പാക്കിയ വൈദികരെയും ഇടവകകളെയും സിനഡ് ആദരപൂര്‍വം സ്മരിക്കുന്നു. അതിരൂപതയില്‍ സിനഡിന്റെ തീരുമാനം നടപ്പാക്കാനുള്ള വ്യക്തമായ നിര്‍ദേശങ്ങള്‍ അപ്പസ്‌തോലിക് അഡ്മിനിസ്‌ട്രേറ്റര്‍ മാര്‍ ബോസ്‌കോ പുത്തൂര്‍ പിതാവിനു നല്കിയിട്ടുണ്ട്. ഏകീകൃതകുര്‍ബാനയര്‍പ്പണവുമായി ബന്ധപ്പെട്ട ക്രമീകരണങ്ങളോട് എല്ലാവരും സര്‍വാത്മനാ സഹകരിക്കണമെന്നു സിനഡ് ആവശ്യപ്പെടുന്നു.
ജൂബിലിവര്‍ഷം
നമ്മുടെ കര്‍ത്താവീശോമിശിഹായുടെ ജനനത്തിന്റെ അനുസ്മരണമായി 2025-ാം ആണ്ടിനെ സാധാരണ ജൂബിലിവര്‍ഷമായി പരിശുദ്ധ പിതാവ് ഫ്രാന്‍സിസ് മാര്‍പാപ്പാ പ്രഖ്യാപിച്ച വിവരം നിങ്ങള്‍ക്ക് അറിവുള്ളതാണല്ലോ. പ്രതിസന്ധികളുടെ ഈ കാലഘട്ടത്തില്‍ 'പ്രത്യാശയുടെ തീര്‍ഥാടകരാകുവിന്‍' എന്ന ആഹ്വാനമാണ് പരിശുദ്ധപിതാവു ജൂബിലിവര്‍ഷത്തില്‍ നല്കുന്നത്. നമ്മുടെ കര്‍ത്താവിലുള്ള വിശ്വാസത്തെ സഭയിലൂടെ ആഘോഷിക്കുക എന്നതാണ് ജൂബിലിവര്‍ഷത്തിന്റെ ലക്ഷ്യമായി നല്കിയിരിക്കുന്നത്. 'പ്രത്യാശ നമ്മെ നിരാശരാക്കുന്നില്ല' എന്ന അപ്പസ്‌തോലികപ്രബോധനത്തിലൂടെ ജൂബിലിയാഘോഷത്തിനുള്ള മാര്‍ഗരേഖ നമുക്കു നല്കപ്പെട്ടിട്ടുണ്ട്. 2024 ഡിസംബര്‍ മാസം ജൂബിലിക്കടുത്ത ഒരുക്കത്തിനായുള്ള പ്രാര്‍ത്ഥനാദിനങ്ങളായി നാം ആചരിക്കണം.
2024 ഡിസംബര്‍ 24 നു രാത്രി എല്ലാ കത്തീദ്രല്‍പള്ളികളിലും, തുടര്‍ന്നുവരുന്ന ഞായറാഴ്ച എല്ലാ ഇടവകപ്പള്ളികളിലും ജൂബിലിവര്‍ഷം, ജൂബിലിത്തിരിതെളിച്ച് ഉദ്ഘാടനം ചെയ്യുന്നതാണ്. ജൂബിലിവര്‍ഷത്തിന്റെ ലോഗോ ഉള്‍പ്പെടുന്ന ഫലകം എല്ലാ പള്ളികളിലും സ്ഥാപിക്കേണ്ടതാണ്. ജൂബിലിവര്‍ഷത്തില്‍ തിരുസ്സഭാമാതാവു തന്റെ മക്കള്‍ക്കു നല്കുന്ന വിവിധങ്ങളായ വരപ്രസാദവഴികളെയും ദണ്ഡവിമോചനങ്ങളെയും വ്യക്തമാക്കിക്കൊണ്ടുള്ള ഇടയലേഖനം രൂപതാധ്യക്ഷന്മാര്‍ നല്കുന്നതായിരിക്കും.
പരിശുദ്ധ കുര്‍ബാന, അനുരഞ്ജനകൂദാശ എന്നിവയില്‍ അധിഷ്ഠിതമായതും തീര്‍ഥാടനങ്ങളെ പ്രോത്സാഹിപ്പിക്കുന്നതുമായ കര്‍മപദ്ധതിയാണ് രൂപതാതലങ്ങളില്‍ നടപ്പാക്കേണ്ടത്. സഭയിലുടനീളം പ്രത്യാശയുടെ പുതിയ പ്രകാശം പരക്കാനും കൂട്ടായ്മയുടെയും സഭാസ്‌നേഹത്തിന്റെയും പുതിയ വസന്തം വിരിയാനും ജൂബിലിവര്‍ഷം നിമിത്തമാകട്ടെ എന്നു പ്രാര്‍ഥിക്കുന്നു.
പുതിയ ഇടയന്മാര്‍
നമ്മുടെ സഭയ്ക്കുള്ള ദൈവത്തിന്റെ സമ്മാനമായി രണ്ടു പുതിയ ഇടയന്മാരെ ലഭിച്ചുവെന്നത് ഏറെ അഭിമാനകരവും സന്തോഷകരവുമാണ്. ചങ്ങനാശേരി അതിരൂപതയുടെ മെത്രാപ്പോലീത്തയായി പ്രസ്തുത അതിരൂപതയുടെ സഹായമെത്രാനായി സേവനം ചെയ്തുവരികയായിരുന്ന മാര്‍ തോമസ് തറയില്‍ പിതാവ് നിയമിതനായി. അറിയപ്പെടുന്ന മനഃശാസ്ത്രവിശാരദനും സാമൂഹിക, ആത്മീയമേഖലകളിലെ നലംതികഞ്ഞ നായകനുമായ നിയുക്ത ആര്‍ച്ചുബിഷപ്പിനു സഭയുടെ മുഴുവന്‍ പ്രാര്‍ഥനാമംഗളങ്ങള്‍ നേരുന്നു.
പിതൃസഹജമായ വാത്സല്യത്തോടും സീറോമലബാര്‍സഭയുടെ പാരമ്പര്യങ്ങളോടുള്ള അവികലമായ വിശ്വസ്ത തയോടും കുലീനമായ ശാന്തതയോടുംകൂടി കഴിഞ്ഞ ഇരുപത്തിരണ്ടു വര്‍ഷങ്ങള്‍ ചങ്ങനാശ്ശേരി അതിരൂപതയില്‍ മേല്പട്ട ശുശ്രൂഷ നിര്‍വഹിച്ച അഭിവന്ദ്യ മാര്‍ ജോസഫ് പെരുന്തോട്ടം പിതാവിനോടു സീറോമലബാര്‍സഭ ഏറെ കടപ്പെട്ടിട്ടുണ്ട്. പിതാവിന്റെ സേവനങ്ങളെ ആദരവോടെ സ്മരിച്ചുകൊണ്ടു താപസതുല്യമായ പിതാവിന്റെ വഴികളെ കര്‍ത്താവു തുടര്‍ന്നും അനുഗ്രഹിക്കട്ടെ എന്ന് ആശംസിക്കുന്നു.
ഭൂവിസ്തൃതികൊണ്ട് ഭാരതത്തിലെ ഏറ്റവും വലിയ രൂപതയായ ഷംഷാബാദിന്റെ രണ്ടാമത്തെ മെത്രാനായി അഭിവന്ദ്യ മാര്‍ പ്രിന്‍സ് ആന്റണി പാണേങ്ങാടന്‍ പിതാവു നിയമിതനായി. സഹജമായ പ്രേഷിതതീക്ഷ്ണതയും കഠിനാധ്വാനശീലവും ജീവിതലാളിത്യവും അഭിവന്ദ്യപിതാവിനു പുതിയ ദൗത്യത്തില്‍ സഹായകമാകുമെന്ന് ഉറപ്പുണ്ട്. സഭയുടെ പ്രേഷിതമുഖമായി മാറാന്‍ പിതാവിനു കഴിയട്ടെയെന്നു പ്രാര്‍ഥിക്കുന്നു. ചങ്ങനാശ്ശേരി അതിരൂപതയ്ക്കും ഷംഷാബാദ് രൂപതയ്ക്കും സഭ മുഴുവന്റെയും പ്രാര്‍ഥനാശംസകള്‍ നേരുന്നു.
നമ്മുടെ അമ്മയായ പരിശുദ്ധ കന്യകാമറിയത്തിന്റെയും മാര്‍ യൗസേപ്പിതാവിന്റെയും മാര്‍ തോമാശ്ലീഹായുടെയും സകല വിശുദ്ധരുടെയും വാഴ്ത്തപ്പെട്ടവരുടെയും മാധ്യസ്ഥ്യവും അനുഗ്രഹവും നമ്മോടും നമ്മുടെ എല്ലാ പ്രവര്‍ത്തനങ്ങളോടുമൊപ്പം ഉണ്ടായിരിക്കട്ടെ!
(2024 ഓഗസ്റ്റ് 19 മുതല്‍ 31 വരെ കാക്കനാട് മൗണ്ട് സെന്റ് തോമസില്‍ നടന്ന സീറോ മലബാര്‍ സഭയുടെ മുപ്പത്തിരണ്ടാമതു സിനഡിന്റെ മൂന്നാം സമ്മേളനത്തെത്തുടര്‍ന്ന് മേജര്‍ ആര്‍ച്ചുബിഷപ് മാര്‍ റാഫേല്‍ തട്ടില്‍ പുറപ്പെടുവിച്ച സര്‍ക്കുലര്‍.)
Porno İzmir Escort türk ifşa amatör türk porno manisa escort Türk İfşa Twitter İfşa Türk İfşa Türk İfşa Türk İfşa Türk İfşa Türk İfşa Escobarvip Escobarvip Escobarvip Escobarvip amatör porno japon porno anal porno sert porno İzmir Son Dakika
