പാലാ സെന്റ് തോമസ് കോളജിലെ കാത്തലിക് യൂത്ത് മൂവ്മെന്റിന്റെ (സി.എസ്.എം.) ആഭിമുഖ്യത്തില് ഇന്റര്കോളേജിയറ്റ് ഡിബേറ്റ് മത്സരം നടന്നു. വിവിധ കോളജുകളില്നിന്നായി 30 ടീമുകള് പങ്കെടുത്തു. പ്രിന്സിപ്പല് പ്രഫ. ഡോ. ജയിംസ് ജോണ് മംഗലത്ത് ഉദ്ഘാടനം നിര്വഹിച്ചു.
വൈസ് പ്രിന്സിപ്പലും സി.എസ്.എം. ഇന്റര് എപ്പാര്ക്കിയല് ഡയറക്ടറുമായ ഫാ. ഡോ. കുര്യാക്കോസ് കാപ്പിലിപ്പറമ്പില് അധ്യക്ഷത വഹിച്ചു. 'ഇന്ത്യയുടെ ശാസ്ത്രപുരോഗതിയും സാമ്പത്തികപരിസ്ഥിതിയും' എന്ന വിഷയത്തെ അധികരിച്ചു നടന്ന സംവാദത്തിന്റെ ഭാഗമായി ഡോ. ജോസഫ് കരികുളം, മാത്യു എം. കുര്യാക്കോസ്, ഷൈജു പാവുത്തിയേല് എന്നിവര് പ്രസംഗിച്ചു. ആനിമേറ്റര്മാരായ പ്രഫ. സിജു ജോസഫ്, ഡോ. കൊച്ചുറാണി ജോസഫ്, ഡോ. തോമസ് വി. മാത്യു, ഭാരവാഹികളായ ജോസഫ് റോണിത്ത് ജോയി, ആന്മേരി മാണി, അനിറ്റ ബെന്നി, റ്റോം റ്റിറ്റോ, ഫാ. ടോണി ചൊവേലിക്കുടിയില് തുടങ്ങിയവര് നേതൃത്വം നല്കി.