13.8 ബില്യണ്‍ വര്‍ഷങ്ങള്‍ക്കുമുമ്പും 100 ട്രില്യണ്‍ വര്‍ഷങ്ങള്‍ക്കുശേഷവുമുള്ള കാര്യങ്ങള്‍ മനസ്സിലാക്കാന്‍ കഴിയുന്ന ഒരേയൊരു സ്പീഷിസാണ് മനുഷ്യന്‍. സാങ്കേതികരംഗത്തെ പരിണാമം എന്നത്തെക്കാളും വേഗത്തിലാണു സംഭവിച്ചുകൊണ്ടിരിക്കുന്നത്. സാങ്കേതികകണ്ടുപിടിത്തങ്ങളാല്‍ നിറഞ്ഞ മറ്റൊരു മഹത്തായ ദശാബ്ദത്തില്‍ നാം പ്രവേശിക്കുമ്പോള്‍, 2022 ല്‍ നമ്മുടെ ശ്രദ്ധ പിടിച്ചുപറ്റുമെന്നു പ്രതീക്ഷിക്കുന്ന ചില സാങ്കേതികവിദ്യകള്‍ ഇതാ അവതരിപ്പിക്കുന്നു.
മിറ്റോ (Mitto))
വൈദ്യുതകെറ്റിലിനുള്ള സുസ്ഥിരബദലാണിത്. ഇത് അധികജലത്തിന്റെയും ഊര്‍ജത്തിന്റെയും ഉപയോഗം കുറയ്ക്കുന്നു. വളരെ ലളിതമായി ഒരു പാത്രത്തില്‍ നേരിട്ട് ഏതെങ്കിലും ദ്രാവകം ചൂടാക്കാന്‍ രൂപകല്പന ചെയ്തിരിക്കുന്ന ഉപകരണമാണിത്. ഡിസൈന്‍ കപ്പുകള്‍, പാത്രങ്ങള്‍, ഗ്ലാസ്, ടീപ്പോട്ടുകള്‍, നോണ്‍-ഫെറസ് പാത്രങ്ങള്‍ തുടങ്ങിയവയില്‍ ഇവ  പ്രവര്‍ത്തിക്കുന്നു. നിങ്ങള്‍ക്ക് ഇഷ്ടമുള്ള പാത്രത്തില്‍ വെള്ളം നിറയ്ക്കുക, ഇന്‍ഡക്ഷന്‍ ബേസില്‍ വയ്ക്കുക, ചൂടാക്കുന്ന  ദണ്ഡ്  ദ്രാവകത്തില്‍ മുക്കി വയ്ക്കുക. തിളപ്പിക്കുക. ഇതിനു പാല്‍, സൂപ്പ് തുടങ്ങി പല വിഭവങ്ങളെയും  ചൂടാക്കാന്‍ കഴിയും.
ഒര്‍ക്കാം മൈമി(OrCam MyMe)
ശാരീരികവും ഡിജിറ്റല്‍ സാമൂഹികവുമായ ജീവിതങ്ങള്‍ക്കിടയില്‍ സന്തുലിതാവസ്ഥ കൈവരിക്കാന്‍ നിങ്ങളെ സഹായിക്കാനാണ് ഒര്‍ക്കാം മൈമി ലക്ഷ്യമിടുന്നത്. ഒരു സഹപ്രവര്‍ത്തകന്റെയോ പരിചയക്കാരന്റെയോ പേരു നിങ്ങള്‍ മറക്കാതിരിക്കാന്‍, മുഖം തിരിച്ചറിയുന്ന ഇന്‍ബില്‍റ്റ് സ്മാര്‍ട്ട് ക്യാമറ ഉപയോഗിച്ചു നിങ്ങളുടെ കോളറിലോ പോക്കറ്റിലോ ഈ ചെറിയ ഗാഡ്ജെറ്റ് ഘടിപ്പിക്കുന്നു.
നിങ്ങള്‍ സാമൂഹിക ഇടപെടല്‍ നടത്തുമ്പോഴും ഈ ആപ്പ് ഉപയോഗിക്കാനും ചെലവഴിക്കുന്ന സമയത്തിന്റെ ഒരു അക്കൗണ്ട് സൂക്ഷിക്കാനും മൈമി നിങ്ങളെ അനുവദിക്കുന്നു. നമുക്ക് ആളുകളെ സഹപ്രവര്‍ത്തകര്‍, സുഹൃത്തുക്കള്‍, കുടുംബം എന്നിങ്ങനെ ഗ്രൂപ്പുകളായി തരംതിരിക്കാനും ഓരോ ഗ്രൂപ്പിനും ടൈമറുകള്‍ സജ്ജമാക്കാനും കഴിയും. ഈ ഉപകരണം നിങ്ങള്‍ ഒരു സ്‌ക്രീനിനു മുന്നില്‍ ചെലവഴിക്കുന്ന സമയവും പിടിച്ചെടുക്കുന്നു. മാത്രമല്ല ശ്രദ്ധ വ്യതിചലിപ്പിക്കുന്നതും ആവശ്യമില്ലാത്തതുമായ സ്‌ക്രീന്‍ സമയം വെട്ടിക്കുറയ്ക്കാന്‍ നമ്മെ സഹായിക്കും. മികച്ച ശ്രദ്ധ കേന്ദ്രീകരിക്കാന്‍ മാത്രമല്ല നമ്മുടെ ജീവിതത്തില്‍ കൂടുതല്‍ നിയന്ത്രണം നേടാനും നമ്മെ  സഹായിക്കും.
സിയോമി ഹാന്‍ഡ് വാമര്‍ പവര്‍ബാങ്ക് (Xiaomi Handwarmer Powerbank)
ശൈത്യകാലത്ത് നമ്മുടെ  കൈകള്‍ ചൂടാക്കാന്‍ സൗകര്യപ്രദമായ ഒരു ഹാന്‍ഡ്വാമര്‍ എപ്പോഴെങ്കിലും ആഗ്രഹിച്ചിട്ടുണ്ടോ? പൂര്‍ണമായും പ്രവര്‍ത്തനക്ഷമമായ ഒരു പവര്‍ ബാങ്ക് ആണിത്. ഇത് നമ്മുടെ  കൈകള്‍ക്കു ദോഷം വരുത്തില്ലെന്ന് തെളിയിക്കപ്പെട്ടിട്ടുണ്ട്. ഉയര്‍ന്ന താപനിലയില്‍ രണ്ടു മണിക്കൂര്‍ വരെയും കുറഞ്ഞ താപനിലയില്‍ നാലു മണിക്കൂര്‍ വരെയും ഉപയോഗിക്കാം.
ഡോള്‍ഫി (dolfi) ന്യൂ ജനറേഷന്‍ വാഷിങ് ഉപകരണം
വസ്ത്രങ്ങള്‍ കഴുകുന്ന രീതിയെ സാങ്കേതികവിദ്യയ്ക്ക് എങ്ങനെ മാറ്റാന്‍ കഴിയുമെന്നതിന്റെ ഒരു ഉദാഹരണമാണ് ഡോള്‍ഫി. ശ്രദ്ധാപൂര്‍വം മോഡുലേറ്റു ചെയ്ത അള്‍ട്രാസോണിക് തരംഗങ്ങള്‍ ഉപയോഗിച്ച്, ഡോള്‍ഫി വസ്ത്രങ്ങളില്‍നിന്ന് അഴുക്കു നീക്കുന്നു. വെള്ളവും ഡിറ്റര്‍ജന്റും നിറച്ച ഒരു ബക്കറ്റില്‍ മുഷിഞ്ഞ വസ്ത്രങ്ങള്‍ വയ്ക്കുക, ഡോള്‍ഫി അവ വൃത്തിയാക്കിക്കൊള്ളും.
ഹൈമിറര്‍ മിനി  (HiMirror Mini)
നമ്മുടെ കണ്ണാടികളും സ്മാര്‍ട്ടായിക്കൊണ്ടിരിക്കുകയാണ്. ഈ രംഗത്ത് മുന്‍നിരയിലുള്ള കമ്പനിയാണ് ഹൈമിറര്‍. കമ്പനിയുടെ സ്മാര്‍ട്ട് മിററുകളുടെ കാറ്റലോഗില്‍ ചേര്‍ത്തിട്ടുള്ള ഏറ്റവും പുതിയ ഉത്പന്നങ്ങളിലൊന്നാണ് അതിനൂതനമായ ഈ  കണ്ണാടി.  ഒരു സാധാരണ കണ്ണാടിയെ അപേക്ഷിച്ച് കൂടുതല്‍ വ്യക്തതയോടെ മുഖം നോക്കാം. ഇതിന് മുഖത്ത് മൊത്തം എട്ടു വ്യത്യസ്തതരം വിശകലനങ്ങള്‍ നടത്താനാകും.
ചുളിവുകള്‍, നേര്‍ത്ത വരകള്‍, കറുത്ത പാടുകള്‍, പരുഷത, നിറം മുതലായവ നിങ്ങളുടെ മുഖത്തെ വിവിധ ഭാഗങ്ങളായി വിഭജിച്ച് ഓരോന്നും വ്യത്യസ്തമായി വിശകലനം ചെയ്യുന്നതിലൂടെ മുഖം കൂടുതല്‍ മനോഹരമാക്കാന്‍ കഴിയുന്നു. ഈ സ്മാര്‍ട്ട് മിററില്‍ ഇന്‍ബില്‍റ്റ് ആയി വരുന്ന അലക്സയോടു ചോദിച്ച് നമുക്ക് കൂടുതല്‍ സൗന്ദര്യവര്‍ധക ഉത്പന്നങ്ങള്‍ ഉപയോഗിക്കാന്‍ അവസരം നല്‍കുന്നു.
സ്മാര്‍ട്ട് കോപ്പി & പേസ്റ്റ് മെഷീന്‍
ഒരു നിര്‍ദിഷ്ട ഉള്ളടക്കമോ ചിത്രങ്ങളോ ഔട്ട്പുട്ട് ചെയ്യേണ്ട സാഹചര്യത്തില്‍ അതിനാവശ്യമായ ഉപകരണം ഇല്ലെങ്കില്‍ പകരം ഉപയോഗിക്കാവുന്ന ഉപകരണമാണ് സ്മാര്‍ട്ട് കോപ്പി & പേസ്റ്റ്. ഇത് ഒരു പോര്‍ട്ടബിള്‍ സ്‌കാനിങ്, പ്രിന്റിങ് ടൂള്‍/ ഉപകരണമാണ്. നിങ്ങള്‍ക്ക്  ഹെവി പ്രിന്ററോ ഫോട്ടോ കോപ്പിയര്‍ മെഷീനോ ആവശ്യമില്ല. വേണ്ടത് ഈ ഹാന്‍ഡ്‌ഹെല്‍ഡ് സ്‌കാനര്‍ മാത്രമാണ്. ഇതിന് ഒരു ഉറവിടത്തില്‍നിന്നു മറ്റൊരു ഉറവിടത്തിലേക്കു ചിത്രങ്ങളും വാചകങ്ങളും കൈമാറാന്‍ കഴിയും.
യുഎസ്:ഇ സ്മാര്‍ട്ട് ക്യാമറ ഡോര്‍ ലോക്ക്
(US:E Smart Camera Door Lock)
നമ്മുടെ വീടുകളുടെ പരിണാമത്തിനൊപ്പം വികസിച്ച ഒരു പ്രധാന ഘടകമാണ് ഡോര്‍ ലോക്ക്. ലളിതമായ ലോക്കുകളില്‍നിന്ന്, ലോക്ക് ഡെഡ്‌ബോള്‍ട്ടുകളിലേക്കും ലിവറുകളിലേക്കും മുന്നേറി. സ്മാര്‍ട്ട് ലോക്കുകള്‍ ഡോര്‍ ലോക്കങ്ങിനെ  വിപ്ലവകരമായി മാറ്റിമറിച്ച ഏറ്റവും മികച്ച കണ്ടുപിടിത്തങ്ങളില്‍ ഒന്നായി കരുതുന്നു. ഈ വിഭാഗത്തിലെ  വലിയ കണ്ടുപിടിത്തം  യുഎസ്: ഇ ആണ്. ഒരു വാതില്‍ അണ്‍ലോക്ക് ചെയ്യുന്നതിനുള്ള ആറു വ്യത്യസ്ത രീതികള്‍ വാഗ്ദാനം ചെയ്യുന്ന ഒരു സ്മാര്‍ട്ട് ലോക്ക്.
ക്ലെന്‍സ് ബോട്ട് (Cleanse Bot) ബാക്ടീരിയയെ കൊല്ലുന്ന റോബോട്ട്
കഴിഞ്ഞ കുറച്ചു വര്‍ഷങ്ങളായി, വാക്വം ക്ലീനര്‍ റോബോട്ടുകള്‍, സാധാരണമായി റൂംബ (സങ്കല്പത്തെ ജനപ്രിയമാക്കിയ ബ്രാന്‍ഡുകളിലൊന്ന്) വിഭാഗത്തില്‍ ഉള്‍പ്പെടുത്തിയിട്ടുണ്ട്. എന്നാല്‍, റൂംബയുടെ പരിധിക്കുപുറത്തുള്ള സ്ഥലങ്ങളുടെ കാര്യമോ? കിടക്ക പോലെയുള്ള  സ്ഥലങ്ങള്‍ക്കായി നമുക്ക് ക്ലെന്‍സ് ബോട്ട് ഉപയോഗിക്കാം. ഇത് ഒരു ചെറിയ ക്ലീനിംഗ് റോബോട്ടാണ്. ഇത് അനാവശ്യ രോഗകാരികളില്‍നിന്ന്, പ്രത്യേകിച്ച് ഇ-കോളി പോലുള്ള ബാക്ടീരിയകളില്‍നിന്നു നമ്മുടെ കിടക്കയെ അണുവിമുക്തമാക്കുന്നു.
ഏതു കിടക്കയും സ്വയമേവ വൃത്തിയാക്കാന്‍ കൃത്രിമബുദ്ധി പിന്തുണയുള്ള സ്മാര്‍ട്ട് മോഡുകള്‍ ഉപയോഗിച്ചാണ് റോബോട്ട് ക്ലീനര്‍ നിര്‍മിച്ചിരിക്കുന്നത്. നമ്മുടെ കിടക്കകള്‍ മാത്രമല്ല വായുവും അണുവിമുക്തമാക്കാന്‍ നാല് യുവി ലൈറ്റുകള്‍ ഉണ്ട്. ക്ലെന്‍സ്‌ബോട്ടിന്റെ ഭാരം അര പൗണ്ടില്‍ താഴെയാണ്, നമ്മുടെ  യാത്രകള്‍ക്ക് ഒരു മികച്ച കൂട്ടാളിയാകാന്‍ കഴിയും, പ്രത്യേകിച്ചും ഒരു ഹോട്ടലിലെ ശുചിത്വത്തെക്കുറിച്ച് നമുക്ക്  ഉറപ്പില്ലെങ്കില്‍ ഇത് നമ്മെ സുരക്ഷിതരാക്കുന്നു.  ഒതുക്കമുള്ള രൂപവും മികച്ച ഉപയോഗവും അതിനെ നമ്മുടെ ഏറ്റവും അദ്ഭുതകരവും ആകര്‍ഷണീയവുമായ കണ്ടുപിടിത്തങ്ങളില്‍ ഒന്നാക്കി മാറ്റുന്നു.
Li-Fi (ലൈ-ഫൈ)
ലൈ-ഫൈ അല്ലെങ്കില്‍ ലൈറ്റ് ഫിഡെലിറ്റി എന്നത് പരമ്പരാഗത വൈഫൈ സിസ്റ്റങ്ങളെ മാറ്റിസ്ഥാപിക്കാന്‍ കഴിയുന്ന മറ്റൊരു നെറ്റ്‌വര്‍ക്ക് പ്രോട്ടോക്കോള്‍ ആണ്.  റേഡിയോ തരംഗങ്ങള്‍ ഉപയോഗിക്കുന്നതിനുപകരം ലൈഫൈയില്‍ ഉപയോഗിക്കുന്നത് വൈദ്യുതകാന്തിക സിഗ്‌നലുകളാണ്. അത് മനുഷ്യര്‍ക്കു ദൃശ്യമാകുകയോ അദൃശ്യമാവുകയോ ചെയ്യാം. അതായത്, അള്‍ട്രാവയലറ്റ്, ഇന്‍ഫ്രാറെഡ് തരംഗങ്ങള്‍ ദൃശ്യപ്രകാശത്തിനു പുറമേ മനുഷ്യന്റെ ദൃശ്യപരതയ്ക്കു താഴെയായി മങ്ങിയ ലെഡുകള്‍ ഉപയോഗിച്ച്, ലൈഫൈ സിസ്റ്റങ്ങള്‍ നിലവിലെ വൈഫൈ റൂട്ടറുകളെക്കാള്‍ വേഗമേറിയതും വിശ്വസനീയവുമായ കണക്ഷനുകള്‍ വാഗ്ദാനം ചെയ്യുന്നു. ലൈഫൈ എന്ന ആശയം പുതിയതല്ല, എന്നാല്‍, വരുംവര്‍ഷങ്ങളില്‍ ഈ സാങ്കേതികവിദ്യ വ്യാപകമാവുമെന്നു പ്രതീക്ഷിക്കുന്നു.
അംബാസഡര്‍ ഹെഡ്‌ഫോണ്‍ ട്രാന്‍സ്‌ലേറ്റര്‍
ഇത് രൂപകല്പന ചെയ്തിരിക്കുന്നത് ഗ്ലോബ്ട്രോട്ടര്‍ അല്ലെങ്കില്‍ ലോകത്തിന്റെ വിവിധ ഭാഗങ്ങളില്‍നിന്നു വരുന്ന ആളുകളുമായി ഇടപഴകേണ്ടിവരുന്നര്‍ക്കുവേണ്ടിയാണ്. ഭാഷകള്‍ വിവര്‍ത്തനം ചെയ്യുന്നതില്‍ മികവു പുലര്‍ത്തുന്ന ഒരു വിവര്‍ത്തനോപകരണമായിട്ടാണ് ഇത് രൂപപ്പെടുത്തിയിരിക്കുന്നത്. പൂര്‍ണമായും ഇഷ്ടാനുസൃതമാക്കാവുന്ന ക്രമീകരണം ഉപയോഗിച്ച്, നിങ്ങളുടെ ആവശ്യങ്ങള്‍ക്കനുസൃതമായി എല്ലാം മികച്ചതാക്കാന്‍ ഈ  ട്രാന്‍സ്‌ലേറ്റര്‍ നിങ്ങളെ അനുവദിക്കുന്നു. വളരെ സുഖപ്രദമായ ഓവര്‍-ദി-ഇയര്‍ ഡിസൈനായതിനാല്‍ ഇത് സുഖകരമായി ദീര്‍ഘനേരം ധരിക്കാന്‍ കഴിയും.
ജീവിതം എളുപ്പമാക്കുന്നതിനോ പണം ലാഭിക്കുന്നതിനോ വേണ്ടിയുള്ള പുതുതലമുറ അടുക്കള ഗാഡ്ജെറ്റുകള്‍
എന്‍വയണ്‍മെന്റല്‍ പ്രൊട്ടക്ഷന്‍ ഏജന്‍സി, യുഎസ് ഡിപ്പാര്‍ട്ട്മെന്റ് ഓഫ് എനര്‍ജിയുടെ അഭിപ്രായത്തില്‍, പുതിയ ഡിഷ്‌വാഷറുകള്‍ ജലവും ഊര്‍ജവും ലാഭിക്കുന്നു ഇത് നമ്മുടെ പ്രകൃതിവിഭവങ്ങള്‍ സംരക്ഷിക്കുന്നു. അടുക്കളകളുടെ മാത്രമല്ല, ആധുനികവീടുകളുടെതന്നെ രൂപകല്പന അവ ശരിക്കും മാറ്റിമറിച്ചു.
മള്‍ട്ടി ഡിഷ് വാഷര്‍: പാത്രങ്ങള്‍ കഴുകുന്നതില്‍നിന്നു കൈകള്‍ സ്വതന്ത്രമാക്കാന്‍ സഹായിക്കുന്നു. പാത്രങ്ങള്‍ സെറ്റ് ചെയ്യുന്നു. സ്പര്‍ശിക്കാതെ പാത്രങ്ങള്‍ സുരക്ഷിതമാകുന്നു.
ഓട്ടോമാറ്റിക് റോബോട്ട് വാക്വം ക്ലീനര്‍: ഒരു വ്യക്തിയുടെ സഹായമില്ലാതെ അഴുക്കു കളയാനും തുടയ്ക്കാനും സഹായിക്കുന്ന ഒരു ഓട്ടോമാറ്റിക് വാക്വം ക്ലീനര്‍. ഏതു ചെറിയ സ്‌പേസിലും ക്ലീന്‍ ചെയ്യാന്‍ സാധിക്കുന്നു.
വസ്ത്രം ഉണക്കല്‍ യന്ത്രം: വസ്ത്രങ്ങള്‍ ഉണക്കേണ്ടതിന്റെ ആവശ്യകത ഇല്ലാതാക്കുന്നു. ഡ്രയറില്‍നിന്ന് നിങ്ങളുടെ വസ്ത്രങ്ങള്‍  എടുക്കുമ്പോള്‍, അത് ഉണങ്ങിക്കഴിഞ്ഞിരിക്കും. അലക്കിത്തേച്ചു തരുന്ന സാങ്കേതിക വിദ്യപോലും ചില ഡ്രയറുകള്‍ നല്‍കുന്നു
ആധുനിക ഹോം റോബോട്ട്
ഹോം റോബോട്ട്, വാസ്തവത്തില്‍, സ്മാര്‍ട്ട് ഹോം സിസ്റ്റത്തിന്റെ ഒരു നൂതന നിയന്ത്രണ പാനലാണ്. ഇത് വോയിസ് റെക്കഗ്‌നിഷന്‍ ചെയ്യാന്‍ പ്രാപ്തമാണ്. വീട്ടിലെ മറ്റ് സ്മാര്‍ട്ട് ഹോം ഉപകരണങ്ങളുമായി ബന്ധിപ്പിക്കുന്നു. 'എയര്‍ കണ്ടീഷണര്‍ ഓണാക്കുക' അല്ലെങ്കില്‍ 'ഡ്രയര്‍ മോഡ് മാറ്റുക'പോലുള്ള വോയ്സ് കമാന്‍ഡുകള്‍ ഉപയോഗിച്ച്, ഉപകരണം യാന്ത്രികമായി ചുമതല നിര്‍വഹിക്കും. ഹോം റോബോട്ട്  ഉടമയുടെ ശബ്ദം തിരിച്ചറിയുകയും മറ്റു വീട്ടുപകരണങ്ങള്‍ നിയന്ത്രിക്കുന്നതിന് അയാളുടെ കമാന്‍ഡുകള്‍ നടപ്പാക്കുകയും ചെയ്യുന്നു.
പാചകക്കുറിപ്പുകള്‍പോലുള്ള പ്രസക്തമായ വിവരങ്ങള്‍ പ്രദര്‍ശിപ്പിക്കാന്‍ കഴിയുന്ന ഒരു ഇന്ററാക്ടീവ് ഡിസ്പ്ലേയും ഹോം റോബോട്ടില്‍ സജ്ജീകരിച്ചിരിക്കുന്നു. കൂടാതെ, സംഗീതം പ്ലേ ചെയ്യുക, അലാറവും റിവൈന്‍ഡറുകളും സജ്ജീകരിക്കുക തുടങ്ങി ഹോം റോബോട്ടിനു മറ്റു നിരവധി ജോലികള്‍ ചെയ്യാന്‍ കഴിയും. അതുപോലെ കാലാവസ്ഥയും ട്രാഫിക് വിവരങ്ങളും നല്‍കുന്നു.
ഈ 2022 ലെ സാങ്കേതികവികസനത്തിന്റെ പോരായ്മകളിലും വെല്ലുവിളികളിലും ധാരാളം ആളുകള്‍ ശ്രദ്ധ കേന്ദ്രീകരിക്കുന്നു, പക്ഷേ, ഗുണങ്ങള്‍ നെഗറ്റീവ് വശങ്ങളെക്കാള്‍ കൂടുതലാണ് എന്നു കരുതാം. ശാസ്ത്രം വികസിപ്പിക്കുന്നതിലൂടെ ആരോഗ്യകരമായ ജീവിതശൈലിയുടെ അധികസൗകര്യങ്ങളും അവസരങ്ങളും കൊണ്ടുവന്ന് സാങ്കേതികവിദ്യ ലോകത്തെ വീണ്ടും മികച്ച സ്ഥലമാക്കി മാറ്റിയിരിക്കുന്നു.