•  2 Dec 2021
  •  ദീപം 54
  •  നാളം 35
നവീനപാചകം

ഡേറ്റ് റോള്‍സ് വിത് കസ്റ്റേര്‍ഡ് ക്രീം

ചേരുവകള്‍
1.    ഈന്തപ്പഴം (കുരു കളഞ്ഞ്
    നീളത്തില്‍ അരിഞ്ഞത്)    -     200 ഗ്രാം
    മാരി ബിസ്‌കറ്റ് പൊടിച്ചത്    -     200 ഗ്രാം
    കണ്ടന്‍സ്ഡ് മില്‍ക്ക്    -      ഒരു ടിന്‍
2.    പാല്‍    -     അര ലിറ്റര്‍
3.    പഞ്ചസാര    -     3 വലിയ സ്പൂണ്‍
    കസ്റ്റേര്‍ഡ് പൗഡര്‍    -     2 വലിയ സ്പൂണ്‍
4.    ഈന്തപ്പഴം
    പൊടിയായി അരിഞ്ഞത്    -     അലങ്കരിക്കാന്‍

പാകം ചെയ്യുന്ന വിധം
•    ഒന്നാമത്തെ ചേരുവ നന്നായി യോജിപ്പിച്ച് ഫോയില്‍ പേപ്പറില്‍ വച്ച് നീളത്തില്‍ തടിപോലെ ഉരുട്ടി ഫോയില്‍ പേപ്പര്‍കൊണ്ടുതന്നെ പൊതിഞ്ഞ് ഒരു മണിക്കൂര്‍ ഫ്രീസറില്‍ വയ്ക്കുക. ഇതാണ് ഡേറ്റ് റോള്‍.
•    അരക്കപ്പ് പാലും കസ്റ്റേര്‍ഡ് പൗഡറും പഞ്ചസാരയും യോജിപ്പിച്ച് പേസ്റ്റ്പരുവത്തിലാക്കണം.
•    ബാക്കി പാല്‍ തിളപ്പിച്ചശേഷം വാങ്ങി കസ്റ്റേര്‍ഡ് പേസ്റ്റ് ചേര്‍ക്കുക.
•    ഇത് വീണ്ടും അടുപ്പില്‍ വച്ച് തുടരെയിളക്കി കുറുക്കണം. ഒരു മിനിറ്റുകൂടി അടുപ്പില്‍ വച്ച് നന്നായി മയപ്പെടുത്തുക. മധുരം പാകത്തിനാകണം.