ജോര്ജ് കള്ളിവയലില്
പത്രസ്വാതന്ത്ര്യവും ആവിഷ്‌കാര സ്വാതന്ത്ര്യവും ഇല്ലാതെ സമൂഹങ്ങളും രാജ്യങ്ങളും തമ്മിലുള്ള സാഹോദര്യവും സഹവര്‍ത്തിത്വവും ഉറപ്പാക്കാന്‍ കഴിയില്ല. നിരായുധീകരണമടക്കം സമാധാനത്തിനും സ്വേച്ഛാധിപത്യവിരുദ്ധ പോരാട്ടങ്ങള്‍ക്കും പത്രസ്വാതന്ത്ര്യം കാത്തുപരിപാലിക്കപ്പെടേണ്ടതുണ്ട്.
''മാധ്യമങ്ങളില്ലാതെ നിങ്ങള്‍ക്കു ശക്തമായ ജനാധിപത്യം ഉണ്ടാകില്ല''- നൊബേല്‍ സമാധാനസമ്മാന പ്രഖ്യാപനം നടത്തിയ നോര്‍വീജിയന്‍ നൊബേല്‍ കമ്മിറ്റി ചെയര്‍മാന്‍ ബെറിറ്റ് റെയ്സ് ആന്‍ഡേഴ്സന്റെ വാക്കുകളാണിത്. വിദ്വേഷപ്രസംഗങ്ങളുടെയും തെറ്റിദ്ധാരണാജനകമായ വ്യാജ പ്രചാരണങ്ങളുടെയും കാലമാണിത്. അതിനാല്‍, വസ്തുതാപരമായ വിവരങ്ങളും ശരിയായ വിശകലനങ്ങളും സുപ്രധാനമാണ്. അതിനു സ്വതന്ത്രമായ പത്രപ്രവര്‍ത്തനമാണ് ഇക്കാലത്ത് ഏറ്റവും അനിവാര്യം.
